close
（台東森林公園--花架隧道）
感謝天 將你送予我，總算有門閣有閂
有魚無水安怎活，有我若無你攏是孤單。
感謝你 毋捌棄嫌我，將我當作心靈侶伴
毋管海角天邊外，遠行的船隻總是會靠岸。
啊！日頭漸漸落山，月娘探頭看
一個照路予人行
一個見光著閃避
一人一位，袂當行相偎
日頭月娘當時遮會相疊。
啊！月娘孜孜看，日頭走無影
甘是上天的宣判
抑是早著有咒詛
我只是你，美麗的背影
今生只有追的運命。
（安平夕照）
全站熱搜
留言列表
